قصة بالدرجة المغربية ديال ثلاتة الصحبات ماكيتفارقوش بنات عروبيةàà

هادو ثلاتة ديال الصحبات ماكيتفارقوش بنات عروبية وحدة الظروف حكمات عليهم باش يجيو لمدينة يخدمو و الزين لي فيهم مدوخ رجال وعيالات (زينب) 24 عام قصيرة و البشرة ديالها بيضاء شعرها قهوي خفيف و لاطاي غليضة شوية ولكن فورمتها مقادة (فاتي) 24 عام بيضاء و قصيرة و شعرها كحل و لاطاي حوتة (ليلى) 25 عام لاطاي عادية البشرة سمراء و الشعر كحل طويل مسبسب و قصيرة خدامين كيجيبو السلعة من الشمال و كيدورو على الناس فديورهم كيبيعوها ليهم و لي كيشوفهم ضروري ما يشري من عندهم حيث حلاوة اللسان لي عندهم كطيح الصغير و الكبير واحد النهار ....
ليلى: دبا البنات واش حنا غنبقاو غير كنضربة فتمارة مانرتاحوش لينا شي أيام زعمة 
فاتي: أهاه و ملي حنا نريحو دوك خوتك شكون غيصرف عليهم و زينب شكون غيصرف ليها على ولدها و أنا شكون غيصرف عليا راجل مي ..زيدي زيدي نطلعو لهدا العمارة نشوفو رزقنا 
ليلى: وراني عييت أ صاحبتي ملييت من هدا العيشة 
زينب:حتى أنا عييت ولكن راه حنا هدشي لي مكتاب علينا نبقاو نضربو تمارة حياتنا كاملة 
فاتي : دبا واش وقت العيا زيدو حتى نكملو هدا السلعة و ديك الساعة نهضرو ... طلعو تفرقو فديك العمارة كل وحدة شدات طبقة .. باعو شي حاجة و مشاو لعمارة لي حداها ... وبقاو هكا حتى كملو سلعة لي كانت عندهم و شدو التاكسي باش يمشيو لبيت لي كاريين ملي حطهم التاكسي 
زينب :سيرو نتوما لدار أنا غنمشي نجيب الكفتة باش نديرو شي طويجين ديال الكفتة بمطيشة 
فاتي : واخا واسيري و ماتعطليش راه قرب يضلام الحال و الدرب راه عامر بالشماكرية ... مشات زينب تجيب التقدية و فاتي و ليلى مشاو لدار دخلو ليلى تكرشخات فوق السداري و فاتي حتى هي تكات فسداري على ماتجي زينب و هما يغيبو داهم النعاس .. شي شوية زينب جايا كتجري و كتلهث دخلات و ... دخلات و هي كتلهث قالت بالجهد وا عتقو البنات .. كتبان ليك ليلي و فاتي ناضو وقفو وقفة وحدة فاتي و ليلى: مالكي ياك لباس 
زينب: وا بلاتي نستاراح شوية راه عييت 
فاتي: وا دوي طلقينا راك طيحتي منا النص 
ليلى: أشنو كاين فديك الباليزة و منين جاتك
زينب : مشيت شريت الكفتة و ملي تميت راجعة كانت دايزة واحد الوطو بسرعة كبيرة و ملي قربات حدايا لاحت هدا الشنطة و أنا نهزها و جيت كنجري لعندكم 
ليلى : أويلي عنداك لتكون فيها شي قنبولة 
فاتي : ناري جايبا لينا منتيف لدار 
زينب :راه ماكتقرقب ما والو و مال نيتكم ناقصة مالكم ما تقولو الفلوس 
فاتي و ليلى : أشنو الفلوس .. 
زينب : ودابا كيغنديرو حتى نحلو هدا العجب ... بقاو كيخربقو فاﻷرقام ما بغاتش التحل مشات فاتي طلعات عند مولات الدار و خدات من عندها مطرقة و هبطات بقات كضرب فيها حتى تحلات و هي تقول ليهم فاتي غمضو عينيكم غمضوهم كاملين حلاتها و هي تفول ليهم يالاه 1 2 3 كلشي حل عينيه .... بقاو كيشوفو شي شوية و هما يتفرقعو بالضحك هههههه لقاو فيها شي وراق و واحد الباسبور ولاكارت ناسيونال و دفتر الشيكات قالت ليهم فاتي اودي قالت ليك لفلوس هههه يالاه زيدو نقسمو الخير هدا هههههه زينب هزات الوراق و بدات كتقرى فيهم و البنات حتى هما كل وحدة شدات حاجة و لقاو بلي دوك الوراق ديال شي واحد سميتو خالد و الباسبور ديالو نيت ... 
زينب : و دابا أش غنديرو بهادشي 
ليلى: لي درتوها أنا معاكم 
فاتي: ضروري خاصنا نديو هدشي لعنوان لي كاين فلاكارت ناسيونال 
ليلى : ولكن أصاحبتي راه فمراكش بعيدا الطريق 
فاتي: ولكن راه غنديو غير اﻷجر و ياك قلاي نتي باغيا ترتاحي إوا نمشيو نفوجو شوية على راسنا فمراكش 
ليلى : صافي مشات غير نكملو ديك السلعة لي باقيا عندنا و نمشيو 
زينب: ﻷ خليو هديك السلعة حتى نجيو باش إلى تحنسرنا نبيعوها باش نمشيو نطلعو الشمال نجيبو سلعة خرا .. قالو ليها البنات حتى هدا كلام .. إوا تافقو على أساس غدا فالصباح غيشدو الطريق لمراكش ( فنضركم أشنو كيتسناهم .. هدشي غنعرفوه من هنا لشوية )

شاهذ الفيديو