القصة لي أنحكي ليكم عمركم قريتو فحالها

القصة لي أنحكي ليكم عمركم قريتو فحالها حيت أنابراسي باقي ممستوعباش قصتي مهم أنا زين الحومة كيف كيقولو عايشة مع جدتي و ماما فالإمارات خدامة تماك حيت الواليد ديالي توفى من تماك وهي تماك تجي مرة مرة الأم ديالي زعرة فحالي و لي يشوفها يقول ختي الكبيرة من تاتجي فالصيف منخليو بحورة منخليو قهاوي وتسركيل أما جدتي مسكينة الله يعمر ليها الدار حادية ها الصلا و القرآن الكريم من كنمشي ماما كمنقدش على فراقها حيت أعز حاجة عندي منساها على شهر ديما نبكي كنت فالحومة ديما مجمعة قوة البنات و أنا رئيستهم ونجلسو نضحكو و نكلو زريعة و كنت أنا هي طبيبة نفسانية لي عندها شي مشكيل مع صاحبها نحلو ليها مع العلم أنني كمنتصحبش واخا أنني زوينة كنت سميتي عزيزة و بصح كنت عزيزة على صحباتي حيت ديما معوناهم و مكاين ها اللبس المزيان حيت ماما كل شهر تصيفط لي الحوايج لي كندوخ بيهم الدراري كنت دافعة كبير على الدراري كيجوني مزال براهش وأنا و القراية لا علاقة ههه ديما كتقولي ماما يلا شديتي الباك هاد العام أبنتي ندير ليك لي بغيتي ولكن أنا معولة على السقوط ههه حيت هير نخرج مع 6 نخرج ندور تال 9 ندخل نتعشا نعس تا جدة مسكينة عيات من ديما تغوت عليا واخا كانو عندي البنات بزاف ولكن واحدة لي كانت صاحبتي الروح ديالي ماجدة من الصغر و أنا وياها دايرين كي التوام و أغلب أوقات تجي تبات معايا تا من حوايجها ولاو نص ديال حوايجها عندي تاهي زوينة و بحالي باك و معايا نيت فالقسم و مكلخة بحالي حيت جنا أصلا توام كنختلفو ها فالوجوه أنا زعرة و هي شعرها كحل مسميا عليها زغب العودة كيف العادة هير نخرجو من ليسي ندوزو الدار و نخرجو نعيطو على البنات داك النهار البنت لي نعيط عليها متخرجش و معرفناش علاش مشينا عند فاطمة واحد الشلحة
أنا : فاطمة وفاطمة و الشلحة و هبطي
فاطمة : لا أختي مافراسك والو
أنا : أش فراسي
فاطمة : واحد الشمكار خرج من الحبس ناري أختي ها سكتي اارعب فيا قاليك البنت لي تعجبو يديها
أنا : ههههههههه وا تسيري الخوافة ها هبطي معندو ميدير ليك
فاطمة : لا أختي ها يسرو نتوما باي
وسدات الشرجم
ماجدة : والحومة ولات تخلع أختي كتصفر ياكما بوعو ههه
أنا : زيدي زيدي أنا هادشي كاعما يدهشرني
ماجدة : بسلامة أختي أنا أنمشي فحالي هاد ليلة نبات فدارنا
أنا : تا نتي خوافة هههه واخة غدا دوزي عندي مع 8
غادة فالطريق و كنضحك عليهم ههع أصلا أنا مكنخافش من صغري و قافزة داكشي علاش ديما أنا رئيسة البنات دخلت الدار تعشيت تكونيكتيت شوية مع ماجدة و بدات تشكي علي دابزات مع صاحبها و من بعد نعست و فقت كي العادة

شاهذ الفيديو